Ainda e muchanan di Sint. Aloysius School no a drenta den nan edificio nobo, ya cu esaki tabata den renobacion. No falta hopi mas pa nan muda den e scol. A premira cu e mudamento ta tuma luga den luna di augustus, pero esey no tabata e caso.
Minister di Enseñansa y Deporte, Endy Croes, a indica cu falta e fase final cu ta e ponemento di asfalt. DOW a priminti cu nan ta pone esey den e siman di 17 pa 20 di augustus y awo esey ta bay tuma luga. Despues falta algun detaye chikito. Di otro banda SKOA a manda minister un carta informando cu p’e siman di dia 20 di september nan kier muda.
P’e motibo ey, gobierno y e mandatario ta extende e huur unda e scol ta situa, pasobra en realidad ta cu nan a cancela e huur caba. A haci esey pasobra a kere cu nan ta logra esey den augustus. A extende esey pa 27 dia mas. Si tur cos cana bon, e siman di dia 20 pa 28 di september nan ta muda. Na final di september, e prome dos dianan ta vakantie di scol. Asina cu e vakantie termina, St. Aloysius ta den nan scol.
Pa mas lesa TREMPAN.COM.
