Pa algun luna caba, no ta tende nada for di e Minister di Energia, Minister Glenbert Croes, tocante su vision pa cu e refineria, tocante su plan pa Hydrogen y Eagle LNG.
Na februari proximo, Minister di Energia, Glenbert Croes lo ta biahando pa Hulanda hunto c’un delegacion di Utilities NV y Refineria di Aruba (RDA) pa yega na un entendimento cu e consorcio na Noord-Holland, cu a desaroya e prome hydrogen valley na Europa. El a sigui bisa cu el a pidi pa desaroya e prome hydrogen valley den nos region.
Gobierno kier ta e prome den desaroya e hydrogen valley, ya cu e ta bay ta un inversion hopi grandi. Motibo di esaki ta c’un hydrogen valley ta un componente di inversionnan door di consorcio- y nombernan di gran reputacion, unda cu ta conectando tur loke ta conectando tur e energia limpi y alternativo. Aki mester pensa riba e combinacion di windmolen, parke solar, facilidad di produccion di electro-lease. Dus henter e conexion y distribucion, cu ta un proceso cu ta rekeri un asina yama ‘valle’. Eta manera un comunidad hidrogeno di produccion, unda cu na Hulanda tin mas di 9 biyon euro di inversion.
