E siman aki Minister di Turismo y Salud Publico Dangui Oduber ta presente na e Seatrade Cruise Convention na Miami. Un conferencia pa e cruceronan mas grandi na mundo y pa motibo di pandemia no a organisa e ultimo 2 aña aki.
E presencia di Aruba ta hopi importante e siman aki considerando cu e ta un showcase pa mundo, tur pais tey presente y tambe tur e liñanan crucero. Aruba lo tin un booth presente e siman aki pa asina mustra kico tur pais Aruba tin pa ofrece na liñanan crucero. Aruba su delegacion ta consisti di Minister di Turismo Dangui Oduber, CEO di ATA Ronella Croes, CEO di APA Marc Figaroa y tambe cruise manager di ATA Mario Arends.
Tin varios reunion hopi importante cu Minister Oduber lo ta atendiendo e siman aki. E mandatario lo ta reuniendo cu Carnival Cruise lines, Royal Caribbean Cruises y tambe MSC Cruises y varios otro liña di crucero. Tambe minister Oduber a reuni cu minister di turismo di Republica Dominicana, Corsou y Jaxport. Reunion importante pa desaroyo di nos turismo crucero.
Turismo crucero ta keda importante pa pais Aruba. Door di e pandemia Aruba a conoce un retraso den e industria aki pero pocopoco turismo crucero ta biniendo bek. Durante e conferencua a demostra un biaha mas cu Aruba, apesar di ta den ”deep south” riba e ruta pa cruceronan, ta keda un destinacion atractivo y hopi popular.
