Minister di Salubridad Publico Dangui Oduber a anuncia cu den cuadro di nos Campaña Nacional di Vacunacion, diasabra y diadomingo awo dia 11 y 12 di september, Aruba lo realisa e di 4 VACUNATHON!
Vacunathon ta pa aplicacion di e prome dosis di e vacuna y tambe e di dos dosis si a haya e prome 3 siman anterior.
Meta di e dos dianan aki ta pa logra vacuna mas tanto ciudadano contra COVID-19 posibel. Vacunacion ta un acto di solidaridad y responsabilidad conhunto. Niun hende por keda atras! Tur persona mester ta proteha, sea door di tuma e vacuna nan mes of door di comunidad ora di logra inmunidad colectivo.
Tur menor di edad di 12 pa 17 aña cu vacuna cu Pfizer mester ta compaña pa un mayor pa ricibi nan prome vacuna. E vacuna di Johnson & Johnson tambe ta un opcion pero tene na cuenta cu no ta duna esaki na menornan di edad y tampoco na muhe na estado.
Persona cu no tin AZV y por prueba cu nan ta biba na Aruba pa mas cu 6 luna tambe ta bin na remarca pa haya e vacuna no obstante nan estado legal. E persona aki mester presenta cu su paspoort of un contract di trabou.
Mirando desaroyo cu ta tumando luga cu virus di COVID-19, unda cu a comproba cu e variantenan cu tin y principalmente variante Delta, ta afectando e personanan mas jong, gobierno a dicidi pa cambia e enfoke riba e grupo di 12 pa 60 aña mirando cu ya caba a vacuna mas di 82 % di esunnan riba 60 aña. P’esey diasabra y diadomingo awo dia 11 y 12 di september ta haci un yamada na henter e comunidad, principalmente na esunnan entre 12 y 60 aña pa bin na e localidad di prik pa vacuna.
E localidadnan nan di prik ta:ballroom di Ritz-Carlton hotel for di 9:00am pa 4:00pm ‘NON STOP’. Vacuna ta dunando resultado cu nos ta buscando. Nos ta warda bo cu bo carchi di AZV of e Aruba Health app!
