No tin e cantidad necesario di personal na US Immigration. Ta pa e motibo aki mes turistanan mester warda hasta cuater ora prome cu nan pasa migracion y subi nan avion rumbo Merca. Esey ta loke cu a pasa durante e fin di siman aki.
Ta pa e motibo aki mes gobierno di Aruba ta den proceso pa mira con pa yega na un miho acuerdo cu CBP (US Customs and Border Protection), hunto cu Inmigracion local na Aruba, pa mira con ta atende cu e presion cu tin na e momentonan aki na aeropuerto, debi na e cantidad di turista cu ta biahando, specialmente riba diasabra y diadomingo, segun minister demisionario Dangui Oduber.
Riba e dos dianan aki tabatin por lo menos 3 pa 4 mil turista cu a haci uzo di nos aeropuerto, yegando asina na 90% di e cantidad cu a haya den luna di juli 2019, cual ta un proyeccion sumamente positivo.
E minister a indica tambe cu ta pa e motibo aki mes lo bay cuminsa (porfin) cu e proyecto di Gateway 2030, cual ta e expansion y renobacion di aeropuerto, cu lo percura pa un miho experiencia pa tur turista ora nan yega aeropuerto y check in pa nan por yega nan avion. Pa miho cobertura lesa TREMPAN mañan.
