Hopi cortico minister Glenbert Croes, di Asuntonan Social y Labor, a reacciona riba e sentencia di Corte di e siman aki.
Romar Trading a bay Corte pa motibo cu gobierno a duna ordo pa no ricibi ningun peticion di retiro den e temporada di pandemia. Nan tabata kier pa ordena gobierno pa bisa DAO tuma e peticionnan.
E mandatario den conferencia di diahuebs a bisa cu e instruccion a bay caba pa Departamento di Labor y Organisacion cu nan mester respeta decision di Corte y cuminsa tuma peticion pa retiro.
Tabata na inicio di e pandemia cu e minister di Asuntonan Social y Labor a informa cu el a duna instruccion na DAO pa no atende ningun peticion pa retiro pa aworaki. Ta parce cu e instruccion aki no ta cumpli cu ley y awo e mandatario a hay’e ta hala atras riba esaki, debi na un decision di Corte.