Minister di Desaroyonan Economico di Corsou, Ruisandro Cijntje tambe ta forma parti di e delegacion cu ta hunto cu Reina Maxima na San Francisco.
Despues di un dia largo di varios bishita di trabou, e ekipo di 24ora.com a tene un combersacion cu e minister. E minister a subraya e beneficionan grandi cu e isla tin pa por atrae companianan grandi cu tin nan base na Merca. Specialmente companianan cu kier expande nan servicionan pa Latino Amerca, Corsou ta hopi interesante.
E bishita aki a duna e minister oportunidad di topa cara a cara cu CEO di e companianan renombra. Esaki ta caminda cu e minister a pusha pa Corsou.
