Dialuna anochi den un rueda di prensa extraordinario, a comparti e noticia cu den Aruba su di dos presupuesto supletorio di aña 2023 tin un surplus di 25 miyon florin. Algo cu ta pasa pa prome biaha den historia di nos isla.
E bon noticia aki ta surgi despues di un esfuerso largo unda cu a hiba un maneho estricto y responsabel. Lo uza e surplus aki pa sigui cu varios proyecto importante, pues e presupuesto aloca pa Ministerio di Transporte, Integridad, Naturalesa y Asuntonan di Adulto Mayor ta un suma di 7.3 miyon florin.
Minister Arends a enfatisa cu e fondonan aki lo ta inverti den capital humano, subrayando e necesidad di duna nos grandinan e cuido digno cu nan merece.
Lo uza 3.3 miyon florin pa paga e trahadornan di SABA directamente p’asina sigura cu no lo uza e placa pa otro cos prome cu yega na nan.
Por lo menos 3.9 miyon florin lo bay n’e mehoracion di cuido pa nos Adultonan Mayor. Lo habri un di dos Cas Marie cu dag-opvang p’e adulto mayor cu dementie/alzheimer.
Minister Arends tambe ta consciente cu tin un debe n’e trahadonan di Serlimar y Arubus cu mester paga. Esaki lo atendi cu ne manera cu e fondonan bira disponibel p’asina mantene e operacionnan di e companianan aki saludabel.
Minister Arends ta gradici su coleganan minister y tur cu a yuda pa logra e meta sumamente positivo aki. Cu vision, dedicacion y un gran amor pa nos pais, nos ta hiba Aruba padilanti.
