A haci un entrevista cu Minister Ursell Arends tocante e reportahe cu 24ora a emiti durante weekend cu a pasa riba e manchanan di azeta cu a aparece na costa noord di Aruba.
E mandatario encarga cu e cartera di naturalesa a indica encuanto e oil spill cu a tuma luga na Trinidad and Tobago cu locamente tawata vigila e costanan despues cu informe a drenta manchanan di azeta a aparece na islanan bisiña di Corsou y Boneiro.
Na Aruba a pasa over pa ‘codigo oranje’ cual a intensifica mas e vigilancia na costanan di nos isla, durante dianan cu a pasa a reporta varios ‘patch’ of “tearballs” di azeta cu a laba na beach. Arends a indica cu pa loke ta e “patch” of “tearballs” cu a yega na beach, a wordo atendi pa departamentonan concerni.
Diasabra ultimo DNM (Directie Natuur en Mileu) a haci sondeo pa loke ta trata Baby Beach te Vader Piet, apesar cu diferente area ta cay bao di diferente instancia manera DNM, FPNA, y DOW, pero tur instancia ta traha hunto den casonan asina pa bin cu un solucion.
Pa loke a constata Diasabra den e area aki tawata azeta bieu, segun Arends ta splica tin un Standard Operating Procedure ( SOP) pa hopi aña cu e departamentonan ta sigui e procedura cu ora azeta ta pega na piedra, nan no ta bay riesga bida di hende pa haci esaki limpi y ta lag’e, e caso lo ta diferente si a azeta ta riba beach lo haci esaki limpi mesora.
DOW hunto Representante di DNM a bay na e sitio na unda a constata e manchanan y a bin constata cu ta azeta bieu tawata tin pega na e piedranan, evidencia di esaki tawata cu e restonan di azeta tawata “kraak y kibra”.
Reportero di 24ora a puntra e mandatario si Aruba por haci un demanda si resulta e isla wordo afecta pa un derame, Arends a contesta cu por a tuma nota di e comunicadonan internacional , e pais mester tin su SOP prepara debidamente pa atende cu tipo di casonan aki, alabes tratadonan internacional ta dicta e proceso pa cana.
