Lider di AVP, Mike Eman ta e prome lider cu a reuni awe cu gobernador riba un ronda di consulta. Den transcurso di dia varios lider politico, entre otro RAIZ, partido MAS y Accion 21 lo reuni cu gobernador.
Ayera ya caba gobernador a reuni cu lider di MEP, Evelyn Wever-Croes. Sociaal Economische Raad y CAft a reuni tambe cu gobernador.
Durante e proximo dianan gobernador lo reuni cu diferente personahe y organo pa loke ta e formacion di un gabinete nobo.
Di parti di Eman, na prome luga el a gradici tur esunnan cu a sostene partido AVP durante di e eleccion aki cu tabata uno cu hopi reto.
Por bisa cu partido AVP a supera y pone un posicion hopi cla pa por forma parti di e gobernacion di Aruba y tambe forma parti di e proceso politico importante cu Aruba ta en espera di dje.
Partido AVP a prepara su mes grandemente pa por tin e capacidad den cas pa por maneha e retonan grandi cu Aruba ta para dilant’i dje.
A prepara tambe un plan den consulta cu comunidad y awe a comparti cu gobernador, cu ta mira cu partido AVP por forma parti di un gobierno cu e partidonan cu a mira como e partidonan nobo cu a haya asiento den parlamento, esta partido RAIZ, MAS y Accion 21. Partido AVP y e partidonan aki a para pa un cambio.
Pa mas detaye registra riba www.trempan.com
