Nos a vota pa un gobierno nobo. Nos a bisa pueblo cu boca grandi, cu boca yen, cu nos ta para pa cambio y awe nos mester bin hunto, pasobra cu, tin preocupacion den pueblo. Esaki ta segun Michael Williams kende ta un di e integrantenan di Grupo 7 durante un entrevista radial.
Tin un fenomeno di desordo, di corupcion cu propiedad di pueblo, mientras cu gobernantenan ta bisa cu nan kier yama y hinca e pueblo den un situacion di bay paga pa BBO. Ora cu bo ta serio, segun Williams, no lo tin problema ningun momento lo tin problema cu bo tin cu bin of bo ta bin cu cierto medidanan, si tin mester. Locual cu ta pasa ta cu ta kere cu tin cu bay un poco mas directo, pasobra pueblo ta spera rib e Cayman.
Tin un cartel den e gobierno nobo aki cu dia cu e gobierno a sinta, di dia cu a pone e gobierno aki hunto, tabata tin dos pa tres minister cu mester a forma e cartel di esnan cu a sponsor, di esnan cu a pone placa den wega, di esnan cu a pone nan y duna nan e fondonan pa nan bay eleccion.
E tutti di tutti cappo, Eduardo de Veer, cu tabata critica Gobierno anterior. Eduardo de Veer ta hefe di e gobierno aki. Ta hefe di e gobierno di Evelyn Wever-Croes. Ta hefe di e gobierno aki cu ta dicidi tur loke ta pasa den e gobierno aki.
Cu ta wheel and deal, cu ta tres cuater di nan. Tin e otro Hulandes, cu tambe e ta dicidi di tur locual cu ta restora aki na Aruba. E ta tene man directamente cu Otmar Oduber, kende ta vice prome minister, hasta ora e ta na Hulanda e ta nombra su mes asina.
William tin un cos pendiente, cual ta e grabacion di e fondo di desaroyo. Unda cu hendenan a bay cera pa Oduber. Segun Williams a sigui splica cu e gobierno aki no por tuma un decision, pasobra nan no por para pa e realidad di bida. Si a bisa y Williams ta bisa, cu e lo tin reunionnan cu e grupo Nos Aruba. Grupo cu a entama caso contra Otmar Oduber. Williams ta spera cu e minister di Husticia, Andin Bikker, muha bo bachi, pasobra cu awor aki no tin critica riba Arthur Dowers, riba partido AVP. E ta sinta den su stoel. No bin cu show, no bin cu Radio Rochella, pasobra den su partido, den su seno, e tin cu bay investiga e corupcion cu tin. Corupcion cu manera cu por a tende caba, cu e Stichting cu a lanta pa traha casnan di pueblo. Corupcion cu e proyecto di Dump, corupcion cu terenonan den Citgo y den Colony. Corupcion, corupcion, ladronicia y pueblo ta sangra. Pero, pasobra cu esnan cu a kere cu a vota pa e cambio of a para pa partido. Nos partido para Aruba y despues di eleccion a baha e bandera di e partido cu a para pe. Esaki ta un diferencia.
Un diferencia ta cu ora cu bin sali dilanti, no ora cu ta lembe bisa cu e partido di Gobierno ta haci bon trabao. E gobierno di damanan activo. Partido, un lider cu ora bo sa cu bo tin un carne of ken cu ta cu a sali for di e cura di carne, abo como lider mester bay wak con bo ta trec’e. Pero si bo no ta lider, si bo no a nace lider, ta con bo kier haci trabao di lider.
Ora cu bin dilanti, ora cu Williams bin dilanti, ta bin dilanti cla y raspa y cu prueba.
