Servicio Meteorologico di Aruba (Meteo) ta pronostica cu awe nochi shelo lo ta parcialmente nubla cu chens riba un awasero pasahero. Den marduga y mañan por spera basta nubia cu chens riba algun awasero breve.
E situacion general di tempo pa proximo 24 ora ta encera cu un disturbio den nivelnan mas abou y mediano di atmosfera den parti oost di Caribe ta sostene un fluho di aire hopi humedo den region local. Temporalmente esaki lo desaroya mas nubia y pasa riba Aruba. Por spera, principalmente durante marduga y mainta, poco awasero pasahero breve.
Meteo ta sugeri ocupantenan di boto chikito pa bay cu cautela na partinan oost te noordwest den area di costa.
Pronostico di tempo pa proximo 3 dianan ta encera cu shelo lo ta parcialmente nubla cu algun awasero pasahero te breve. Biento lo ta for di generalmente direccion oost y modera, basta fuerte den rafaga. Temperatura (grado celsius) max / min lo ta: 31/25.
