Mester tin burico pa cabay por come. Di e forma aki parlamentario di fraccion berde (AVP), Mervyn Wyatt-Ras, a reacciona riba Minister Xiomara Maduro, di Finanza.
Kico e kier men cu esaki, ta cu otronan mester sufri pa e Minister por biba lekker. “Esey no ta forma di goberna pais Aruba.”
E politico a splica con tur dia ciudadanonan ta yega cerca nan personalmente, via whatsapp of na Cas di Partido pa keha riba e situacion reinante na Aruba. Pero lamentablemente ora cu confronta e mandatario cu e preocupacionnan aki, su reaccion ta laga di desea.”Biaha pasa e Minister a djis contesta “bisa e hendenan bay riba Facebook pa keha.”
Pero esey no ta forma di contesta un representante di pueblo.” Su conseho e ora na ciudadanonan ta cu si dado momento ta sinti cu placa no ta yega mas, bay cerca e Ministernan, puntra nan kico nan por haci pa sobrevivi den e comunidad na e momentonan aki.
Segun Wyatt e ta bisa esaki pasobra Aruba den temporada di gobernacion di AVP tabata un pais prospero, pan pa tur hende y bienestar tambe pa esnan di menos recurso. Pero e situacion actual ta un decadencia, pobresa cu e ciudadanonan no por wanta mas. Y ta den un desesperacion total.
