Mediado di gobierno a sinta na mesa cu Serlimar y SEPPA pa atende e situacion di dump. A discuti fuerte ken lo piki sushi despues di 31 di december.
Anselmo Pontilius, mediado di gobierno, a splica cu minister Ursell Arends tabata hopi cla den caso di Serlimar, maske cu CFt a bisa pa no pone mas placa e mandatario a para duro cu tin di scapa e compania. Mediado di gobierno a deal cu Serlimar, pasobra SEPPA a reclama cu no tin claridad p’e trahadonan ora di cera dump dia 31.
A trata e punto ey y a palabra, cu diaranson, 21 di december, tur trahado di dump sa cu dia prome di januari, maske e ta cera nan sa kico ta nan tarea. Tambe a recomenda pa redacta un protocol pa Serimar, SEPPA. Eynan tin cinco pa seis punto cu lo trata den e prome siman di januari. No ta asina mas e cambionan ta bini y tur cos ta regla. E trahadonan ta reclama na Serlimar cantidad di punto cu no ta aregla pa nan. P’esey a dicidi di pone un tempo realistico con ta soluciona.
Tin un gerencia nobo y hopi comunicacion. Segun e mediado, a pidi pa cada dos of tres luna pa reuni cu e trahadonan, pa bisa kico ta pasando. Duna perspectiva y duna confiansa, tabata e palabranan di Pontilius.
Pa loke ta e punto ken lo pasa piki sushi despues di 31 di december, Ponitilius a indica cu esey a bin hopi fuerte dilanti. Pero e mandatario a indica cu entrante dialuna ta bin un campaña intensivo p’e publico sa di awo te 31 di december kico ta pasa.
