Mundialmente nos ta mira diferente paisnan ta opta pa introdusí mondkapje obligatorio pa por metigá e virus di COVID-19. Aktualmente aki na Kòrsou diferente establesimentunan prinsipalmente esnan ku ta operá den un sitio será ta obligá tur esun nan ku ta bishitá nan establesimentu ku nan mester tin nan mondkapje bisti.
Esaki komo meta pa protehá tantu nan trahadónan i e demas klientenan. Meskos skolnan tambe ta pidi alumnonan pa usa mondkapje of faceshields. E desaroyonan aki ta bon pero no sufisiente ya ku esaki ta keda na kada establesimentu , instansianan òf persona individual nan ta hasi’e si òf no. Pa e motibu aki ta na su luga pa Gobiernu ku ta karga e responsabilidat i gastunan di Salubridat públiko mester tuma desishon firmé pa nos “flatten the curve “
Un ehèmpel ta Madeira ku ta un Isla di 240 mil habitante ku éksito a metigá e vírùs di Covid19 e último simannan aki despues ku nan a introdusí mondkapje obligatorio den un dekreto di Gobièrnu pa e lunanan di Sèptèmber i Ougùstùs ku posibilidat pa alargá esaki. Ku un poblashon di 240 mil manera Madeira tin 218 kaso sin ningun morto, ku fronteranan habri pa ekonomia sigui drai pa ku turismo. E turistanan tambe mester kumpli ku e dekreto aki i hasi nan tèst di PCR promé nan drenta Madeira i download nan app di contact tracing.
Basa riba esaki i komo representante di pueblo mi ta hasi uso di artíkulo 96 di nos Reglamento di Òrdu di Parlamento i ta hasi e siguiente pregunta na Minister di Salubridat Públiko, Medio Ambiente i Naturalesa:
- Kiko ta e motibu ku Gobièrnu no ta introdusí uso di mondkapjes / faceshiledsnan obligatorio?
- Gobièrnu ta di opinion ku esaki lo por metigá e vírùs di Covid19?
