Departamento di Asunto Social ta anuncia cu e payroll di augustus 2026 lo tin ahustacion pa mayornan cu tin yiunan menor di edad of hobennan adulto cu ta bay scol den dia (3 aña te cu 24 aña di edad).
Lo ahusta e suma di bijstand di mayornan cu tin yiu(nan) menor di edad cu ta bay scol den dia of hoben adulto cu ta bay scol den dia pasobra ainda no tin prueba cu e mucha of hoben adulto ta atende scol, pues e suma di bijstand lo baha pa luna di augustus 2026.
Una bes DAS ricibi e declaracion di scol, lo ahusta e bijstand bek den luna di september 2026 di cual lo ricibi e schooltoelage di luna, ouderlijke bijdrage (e suma aki ta bay directamente na e cuenta di banco di scol), e suma pa sosten di articulo di scol y ademas lo ricibi un backpay (e diferencia di luna di augustus 2026).
Tur scol y creche registra bou di Fundacion Pa Nos Muchanan lo ricibi for DAS e declaracion di scol 2026. Ta encurasha cliente pa tuma contacto cu scol asina cu scol habri pa ricibi e declaracion di scol. E fecha pa entrega declaracion di scol ta 24, 25, 26 y 27 di augustus na e localidad mas cerca di e cliente su districto.
Si no entrega e declaracion di scol ariba e cuater fechanan menciona, por tin consecuencia ariba bijstand di e cliente. Entre otro, por desactiva e bijstand di e cliente of e cliente no lo haya ningun di e sosten ariba menciona.
Departamento di Asunto Social ta encurasha cliente pa entrega e declaracion na tempo. Ademas, ta afirma nan compromiso pa sigui crea bienestar pa nos tur.
