Pa exactamente 9 or di anochi e asina jama Toque de Queda / Curfew a cuminsa ariba nos isla. Esaki ta un medida cu Gobierno di Aruba a dicidi di tuma como parti di e strategia cu jama “Flatten The Curve”.
E idea ta pa tin menos hende posibel riba caya pa posibel contaminacion. Aki nos ta comparti algun imagen saca pa fotografo David Troeger di Jetlag Creative Studios di un Aruba cu su toque di queda.
Mester remarca si cu apesar cu e foto nan aki no ta mustra ningun persona of auto riba caya, toch Polis ta encontrando bastante automoblista riba caya cu no tin e autororisacion pa ta riba caya.
