Con cu nan kier yam’e: “amienda”, “union”, “derecho”, “concubinato”, “acuerdo” … y con cu nan realis’e, e ta un plan diabolico directamente contra e institucion mas importante cu Dios a establece den Su Palabra.
Na final, e ta un decision contra Dios mes (peligroso). Tur Loke cu Dios Tata Todopoderoso a crea e diablo kier perverti … MEP, awo ta buscando un manera pa suavisa cos y duna e parehanan di mes sexo derecho, sin cu e partido perde popularidad.
Nos ta den campaña shonnan, wak pa ningun hende gaña boso atrobe. Tur intento pa pasa ley of e leynan humano cu ta legalisa pa hende di mes sexo biba cu otro, ta contra e idea y institucion original cu Dios a establece.
Biblicamente, no ta permiti absolutamente pa Hende di mes sexo biba cu otro den concubinato cu e mes of mas benefishinan di un matrimonio formal.
Haciendo esey ta djis un otro nomber a dun’e.
MATRIMONIO PA PORT’I CUSHINA
Y si nos permiti pa e leynan aki bira realidad nos ta bay tin problema, pasobra e ta habri porta pa otro ley mas pio cu esaki bira realidad y cu tur consecuencia cu tin pa cu e famia.
Ta p’esey ta importante pa pueblo dicidi mas lihe cu ayera pa para e movemento aki ya cu tin tres partido chikito cu ta den parlamento actual, hunto cu e dos grandinan cu ya caba a firma pa cu e agenda di SDG 2030, y nan no lo duda mes pa implementa esaki na Aruba.
Mi kier termina aclariando, cu matrimonio di mesun sexo no ta un derecho humano basa ariba e echo cu 47 hues di Tribunal Europeo di Derechonan Humano a duna di conoce esaki na aña 2007 na Strasburgo, Francia
Pero si nan a bisa cu ta keda na cada pais si nan kier implementa esaki si of no. Curpa ta e unico partido politico cu a sa di demostra cu lo keda sali na defensa di e famia manera cu e ta institui door di Nos Creador, Dios Tata Todopoderoso y lo sigui bringa pa trece ordo y paz bek den cas.
