Diamars e hoben productor musical local, Guedez a firma oficialmente cu Basshall Movement Publishing.
Marver Guedez di Aruba ta bira e adkisicion mas nobo cu Basshall Publishing ta firma. E compania estableci na Hulanda, cu ta conta cu Allimar Maduro cu tin un posicion ehectivo den e compania menciona. Cu masha orguyo di por tin bao nan hala e hoben talentoso local Marver Guedez por bay spera den un tempo corto un tema produci p’e ya cu su fuerte ta produci ritmo/beat maker..
ALBUM NOBO
Tabata na april ultimo cu e hoben productor musical, Marver Guedez a lansa su album nobo riba mercado. Den su album por haya canticanan den cooperacion cu varios artista. A coopera cu artista manera Dastro, Kriss Yo y Donn.
E album ta consisti di cuater cantica, tur cu diferente tipo di estilo musical. Marver semper tabatin den mente pa lansa un album den colaboracion cu diferente artista local. Marver ta gradici tur cu a yud’e pa por haci e album aki bira un realidad.
For di Francis Tromp cu tabata encarga cu e mix & master di MAWA y David Castro cu a percura pa e parti visual. “Danki tambe na tur cu ta support nos talento local”, asina Marver a termina bisando.
TRASPASANDO FRONTERA
Diamars e hoben productor musical local, Guedez a firma oficialmente cu Basshall Movement Publishing. Pa Bashall Movement Publishing, Marver Guedez ta un di e productornan musical mas talentoso cu nan a encontra den e ultimo añanan. Kevin Bakker y Francesco Kybba ta contento di por conta cu Guedez den e filanan di e famia di basshall
BASSHALL MOVEMENT
Funda na 2016 pa e dj y productor Italiano, Kybba, e movemento a crece den e transcurso di añanan. Actualmente e ta conta cu mas di un miyon siguido riba e plataformanan social manera YouTube y Spotify. Tambe nan tin mas di 300 miyon stream riba e lansamentonan di Basshall.
Actualmente e plataforma ta inclui un seyo discografico, un canal di radio y television, un fondo editorial na CTM, eventonan oficial di Basshall rond mundo den colaboracion cu e compania Hulandes Vunzige Deuntjes y un sistema di zonido di Basshall compone pa Kybba & Tribal Kush.
