Marlon Frolijk ta dedica su mes masha tiki tempo den baseball aki na Aruba, pero na Hulanda el a haci esey pa mas di 20 aña. Na Hulanda e ta den mundo di baseball desde cu su yiunan tabata chikito. A reconoce aya na Hulanda pa su dedicacion den baseball.
El a splica cu su persona ta un persona di futbol, pero a bay Hulanda pa bira profesional den e deporte aki. Pero cosnan no a bay manera mester ta, aunke el a termina su estudio y haci su bida eynan. Su yiunan a scoge pa ta den futbol na Hulanda, esey a pone cu el a bay den baseball. El a participa den academia di baseball pa bira instructor. E tabata training instructor na Amsterdam, mientras na Rotterdam tin Kemp y Martinus.
Pa loke ta e parti desaroyo, RCH Pinguins tin cinco aña ta bringa den e top semi pro pa bay dilanti. E reconocemento cu a dun’e na Hulanda, ta cu e tin 5 aña ta sali e prome dosnan den division net bou di hoofdklas. Segun Frolijk, nan a bira campeon e aña’ki y a bis’e di ta e prome coach di tin cinco aña na e prome luga. E no tabata sa mes cu el a bira coach di aña na Hulanda, pero nan a tuma contacto cu ne pa un entrevista.
E entrevista tabata basa riba e hecho cu su persona ta duna training. E ta duna trainig na White Shark, al estilo dinamic training unda cu e muchanan no ta para hopi den linea. Pa e motibo ey Hulanda a haci un entrevista cu su persona. Den medio di e entrevista, un persona a sorprende. Aki a bis’e cu nan a vota y a scog’e como coach di aña na Hulanda. Frolijk no a coach teamnan aki na Aruba, pero a yega di hunga pa Centro di Bario Noord den A klas, a hunga cu Rockets bou mando di Johny Thiel. Pero na Hulanda tambe el a hunga pa mas di dies aña den un team di softball.
