Diaranson, dia 7 di december, a tuma luga e ultimo torneo di club cu ta Christmas Blitz Dam tournament.
Un total di shete hungado a participa. Tur hungado a topa otro.
E tempo tabata 5 minuut tempo basico + 5 seconde increment despues di cada movida. Dus un wega completo por a dura rond di 15 pa 20 minuut.
Na prome lugar a termina Mario Jansen. Mario a gana tur su partidonan.
Na di dos luga a termina Hector Winterdal. Hector tabata tin 2 wega perdi y 5 gana.
Na di tres luga a termina Juna E. Nisbet (Ricky). Ricky a perde dos wega y a tabla uno.
E prome tres luganan a haya un Christmas Basket.
A rifa un di cuatro basket entre e hungadonan cu no a gana un basket.
Ricardo Wever a gana e basket aki.
Diadomingo awo, (11 December), lo tin e campeonato hubenil p’e hobennan bou di 19 aña.
Lo tin dos grupo. (U20 y U14).
E ganadonan lo haya un Christmas Basket y e prome tres luganan lo haya un trofeo.
Tur mucha ta bonbini.
E campeonato lo tuma luga di Centro di Bario Tanki Leendert entre 2:00 y 6:00 di atardi.