Continuando riba e prome parti di e articulo aki, mi kier menciona cu riba e website di American Lung Association tin hopi informacion importante tocante di vaping y e ingredientenan letal cu tin den esakinan manera:
- nicotine, un substancia cu ta causa adiccion y cu ta afecta negativamente e desaroyo di un adolescente su celebro;
- Propylene-Glycol, un aditivo cu ta wordo uZa den cosnan manera antifreeze, thinner pa verf etc.;
- Carcinogens, kimicanan cu ta causa cancer;
- Diacetyl: un kimico cu ta causa un tipo di enfermedad di pulmon;
- Diethylene glycol – un kimico toxico usa den antifreeze cu ta causa enfermedad di pulmon;
- Heavy Metals: manera Nikel, Chumbo y Tin;
- Cadmium – un metal toxico cu ta den cigaria tradicional cual ta causa problema cu halamento di rosea y enfermedad;
- Benzene – un ingredient organico peligroso cu ta wordo encontra den huma di auto;
E ta pa e motibo aki cu e ta bon pa nos pueblo ta mihor informa ta kico exactamente nan yiunan ta huma y con esaki ta afecta nan salud. Vaping ta algo sumamente dañino pa un persona su salud y ta hacibo vulnerabel na simptomanan fuerte di Covid-19. Anto mi no tin mester di menciona cuanto hende a muri recientemente di Covid. Esaki ta wordo confirma riba pagina 4 di e Memorie van Toelichting di Landsverordening Tabaksproducten (AB 2016 no. 44): aki nos por wak cu esnan cu ta humando tin un riesgo mas halto di bira hopi malo durante di e pandemia aki, pasobra esnan cu ta huma ta cay bao di e grupo di riesgo como nan tin un “slechte longfuncie, waardoor ze sneller een longontsteking kunnen oplopen.”
Adicionalmente, e Ministerio di ‘Volksgezondheid, Welzijn en Sport’ di Hulanda kier stop e uzo di e tipo di E-cigarette aki pa 2022. Minister Paul Blokhuis di e Ministerio di Volksgezondheid, Welzijn en Sport di Hulanda a bisa lo siguiente den un remarke tocante e problematica di humamento; “Er wordt door allerlei organisaties heel hard gewerkt om beginnen met roken moeilijker te maken en stoppen makkelijker. Dat is ook hard nodig want het blijft onacceptabel dat er jaarlijks 20.000 mensen in ons land sterven aan de gevolgen van roken en dagelijks zo’n 75 kinderen beginnen te roken.”
Nos ta bibando den un tempo moderno unda cu paisnan ta den transicion pa pone regulacionnan den luga pa yuda y salba e pueblo. E ley aki cu a wordo aproba diamars 26 october 2021 ta e comienso haci mescos pa Aruba su poblacion y asina yuda asegura nos salud y bienestar.
