Trahadonan di Serlimar for di dialuna caba a drenta den accion pa vocifera nan malcontento pa loke ta e direccion cu e compania ta bayendo.
Sindicato STA conhuntamente cu e delegadonan di STA a sinta cu Minister Ursell Arends, riba e situacion di Serlimar, cu segun de Cuba, no ta di awe, pero ta un atraco orkestra riba Serlimar. Ta un situacion cu tin varios aña ta pasando caba.
Serlimar na Parkietenbos tabata genera 4 miyon pa aña compara cu su concurencia. Pero awo a bira cu ta Serlimar mester paga su concurencia un cierto suma pa aña. Con esaki por ta posibel?, ta loke e sindicalista a cuestiona.
De Cuba a sigui bisa cu no por cu ta asina cu tin varios di e ex-ministernan cu a echa baina den Serlimar y awe nan ta haci manera nad’un pasa. Esaki ta algo cu mester investiga profundamente. Mester yama Raad van Toezicht padilanti pa mira si nan tabata participe den henter e bagamunderia aki.
Pero compincheria y tiramento di bloki, unda cu a tira conseho un banda, tur esaki tabata un atraco orkestra riba Serlimar, pa hinc’e den un situacion di bancarota. Kico ta e meta di esaki, no ta sigur.
Den un siman por lanta un Raad van Toezicht nobo. Den un siman por cuminsa cu e investigacion necesario, pero ta depende si tur e papelnan t’ey
pa un relato mas amplio, lesa TREMPAN.
