Manera nos Departamento di Agricultura, Cria y Pesca Santa Rosa a anuncia na varios ocasion tanto den comunicadonan di prensa y entrevistanan tanto na radio y television cu trabounan di mantencion riba Damnan ta sigui na momento cu esaki ta oportuno.
Ta bisa oportuno pasobra Sta Rosa mester tene cuenta cu e awa cu tin den e dam logicamente mester seca completamente prome cu trabounan di limpiesa cuminsa. Na momento cu esaki ta lodo no por haci nada cu e ekiponan pisa. Sta Rosa a yega di experencia cu nan tractor of truck a pega. Den otro casonan tabata hopi dificil maniobra cu truck den tur e lodo cu mester a pospone e trabou te ora cu e lodo seca completamente.
Por tuma nota cu den e den e ultimo lunanan aki cu tin un solo bastante cayente y manera semper calor sofocante ta haci y awa no ta yobiendo suficiente esaki ta haci cu e lodo cu ta keda den e fondo di e dam ta secando of tin cu a seca caba. Esaki ta hac cu nos di Santa Rosa ta tuma accion di biaha pa cu mantencion.
Trabounan a cuminsa na e fam di Piedra Plat caminda cu a haci uzo di e ekiponan pisa pa saca tur sushi y santo cu tabata tin den fondo di e dam aki. Por tuma nota cu ta acumula tur santo na banda p’asina transporta e material pa tereno di Santa Rosa. E santo aki Sta Rosa ta uza pa traha nan mesun gordura cu lo wordo bendi cu publico.
Despues cu a termina cu trabounan di mantencion na e dam di Piedra Plat a sigui pa e dam di Noord cu ta pariba di Misa di Noord. Aki tambe trabounan di limpiesa y mantencion a cuminsa. Por a mira aki cu tur santo aumula den e fondo di e Dam ta wordo saca poni un banda y despues transporta tambe pa Santa Rosa. Esaki ta haci cu e dam por carga mas awa na momento cu bin un torencial awacero. Mas santo wordo saca mas awa e ta carga.
Departamento di Agricultura, Cria y Pesca Santa Rosa ta pendiente pa e otro damnan den diferente bario rond Aruba pa mira cua lo bira e siguiente cu lo mester ricibi su mantencion.
Na momento cu logra pa tur dam ricibi nan limpiesa y mantencion lo keda den espera pa un torencial awasero pa por colecta mas tanto awa posibel p’asina nos productornan local por probecha mas tanto posibel di e awa cu tin disponibel na e momento ey.
Santa Rosa trahando semper na bienestar di Sector Primario