Un homber riba un trip formal a pasa henter e fin di siman aki den transport y cel na warda di San Nicolas. Pata pata burachi a bin hay’e benta band’i caminda y mester a transport’e pa su mes un seguridad.
Diasabra anochi (den careda di 11:50 pm) a bin top’e, prome biaha, den area di Pos Chikito cant’i caminda tira. El a pasa anochi den cel na warda di San Nicolas, caminda despues a lag’e bay mainta. No a tarda mucho cu a bolbe drenta informacion cu tin un persona riba su nek tira banda di un palo di luz den area di Cura Cabay. Tabata e mes un compay.
Esaki tabata aproximadamente 12:00 pm, diadomingo merdia, cu polis a bolbe bay busc’e, deten’e y transport’e pa warda di San Nicolas. Manera den drive thru el a pasa y ta bek den cel pa pasa un dia mas eyden pa descansa e curpa cansa.
