Diasabra a tuma luga na sede di Boulevard Events, e Simposio ‘Bo curason den tempo di Covid’, bou auspicio di Aruba Heart Foundation.
Velma Daal, Presidente di Aruba Heart Foundation a cuminsa na bisa cu, porfin, despues di varios aña, por fin Aruba Heart Foundation por a organisa nan simposio atrobe.
Daal a sigui bisa cu e charla tabata dirigi ariba e hendenan cu problemanan cardiovascular.
E topico di e charla tabata ‘Bo curason den tempo di Covid’ y a traves di e oradornan a bin dilanti cu Covid enberdad tabata tin un efecto rib’e curason.
Otro specialista cu a hiba palabra den e simposio tabata drs. Maria Jose Cobos, Cardiologo, unda cu a trece dilanti varios topico relata cu Covid y con Covid ta afecta e curason.
Cobos a elabora un poco di kico ta encera inflamacion di curason. Esaki no ta afecta solamente un parti di e curason, pero e porta localisa den tres diferente caminda. E por ta causa door di Covid, pero diferente otro problema, pero cu no ta problema cardial.
Drs. Quirin Kolff, cardiologo, a elabora riba e fase mas grave di Covid, riba e problemanan di curason. Tabata tin hopi hende cu tabata interna cu Covid den Hospital, sigur den e prome golf.
Sigur den e hospitalisacionnan, hopi di e pashentnan cu Covid tambe tabata tin problemanan cardiaco, te cu atake di curason grave.
Despues di a recupera di Covid, toch ainda ta haya hopi di e pashentnan ta bin bek, pero e biaha aki cu problemanan cardiaco.
George Rodriguez, trahando na Interventie Cardialogie na Hospital, den su presentacion durante e simposio, a elabora mas ariba e estilo di bida cu cada ken ta hibando. Tin hende cu presion halto, diabetico.
Na dialisis, un 75 pa 80% ta hendenan cu presion halto cu ta diabetico. Esun ta malesanan cu ta bin door di cuminda cu e persona ta digeri.
Tin cu cambia cierto habito, ta come di mainta te ora di bay drumi. Hopi biaha ta come sucu, productonan refina y di hariña. “Nos mes ta zorg pa nos insulina ta halto”, Rodriguez a bisa.
Dr. Romeo Kock den e simposio a trece dilanti e efectonan di malesa di riñon y curason. Ta dos organo cu ta depende di otro, ora esun traha malo, di biaha e tin un efecto rib’e otro. Ta hopi importante pa sa cu e si e riñon ta traha malo, e no ta solamente malo pa ful e salud, pero tambe e tin un efecto directo riba e funcion di curason. Si e curason no ta traha bon, e tin efecto rib’e riñon.
Por ultimo, Jennifer Ritfeld, di e grupo Happy Hearts di Santa Cruz, cu ta cay bou di Movimento ta Bida, tambe tabata t’ey presente na e simposio.
E ta algo cu, segun Ritfeld, ful Aruba lo mester volg. Tin hopi di e puntonan cu a bin dilanti, cu bo no ta para keto na dje. Y como hende di edad avansa, ta bon pa nan tene cu cuenta loke a bin dilanti diasabra durante e simposio.
Pa un relation mas extenso, lesa bo corant digital TREMPAN.
