Awe mainta a sali un buelo di KLM pa Corsou cu un cantidad grandi di carga di ekipo medico, remedi y material di proteccion pa e tres islanan: Aruba, Boneiro y Corsou. Cu esakinan por realisa 30 espacio di respiracion adicional pa Cuido Intensivo (ICU) di pashentnan di COVID-19. Ta bay pa 12 espacio na Aruba, 12 espacio na Corsou y 6 espacio na Boneiro.
E espacionan adicional pa ICU ta intenciona pa pashentnan di tur isla di e parti Caribense di Reino. Si ta necesario y ta epidemiologico responsabel, por transporta pashentnan cu extra ‘Air Ambulance’ entre e islanan.
Hulanda ta brinda sosten na cuido medico riba e tres islanan Caribense den Reino (Aruba, Corsou y Sint Maarten) y e islanan Caribense Hulandes (Boneiru, Statia y Saba) pa amplia e capacidad medico pa cuido di COVID-19 mas pronto posibel.
Resultado bisto pa tur habitante di e islanan
Secretario di Estado Paul Blokhuis (VWS): “Ambos parti di ocean a traha masha duro mes pa logra pone tur cos riba avion. Cu esaki e hospitalnan local no solamente por logra traha 30 espacio tecnico di respiracion den ICU pero tambe por brinda e cuido cu ta necesario cu remedi y medionan di proteccion. Mi colega mandatarionan den e parti Caribense, mi colega Raymond Knops di Relacionnan di Reino y ami ta traha hunto mas intensivo cu nunca. Awe nos por mira un resultado bisto den cual a ofrece yudansa concreto na tur habitante di e islanan. Naturalmente nos ta sigui traha duro hunto pa tur otro cos cu ta necesario y cu ta realisabel”.
Personal medico adicional
Pa reforsa e capacidad medico tin necesidad di personal medico adicional. Pa esaki tambe a yega na palabracionnan pa Aruba, Boneiro y Corsou cu un compania internacional cu ta transporta personal medico. E prome team di personal medico y enfermeronan, cu di e forma aki a pone disponibel, a cuminsa cu e trabounan e siman aki na Sint Maarten. Diadomingo ultimo a yega Sint Maarten un transporte medico for di Hulanda cu remedi, material di proteccion y ekipo pa 12 espacio di respiracion adicional pa ICU. Mientrastanto ya caba a instala e espacionan aki.
Mañan diasabra lo transporta sobra espacio adicional pa e unidadnan di ICU na Aruba y na Boneiro.
