Marjolyn Maduro di e departamento di higiena y prevencion di infeccion na Hospital a splica cu e conocido griep y Influenza ta esun cu ta plama hopi mas lihe.
Hopi biaha ora cu niester, bo ta haci esaki den bo man. Si bo niester, bo por uza bo elleboog, pa preveni e ora cu bo no ta pasa e virus riba bo mannan, pero, corda laba bo mannan tambe, naturalmente. Diarea tambe ta algo cu ta plama hopi lihe. Den bo tripanan tin hopi bacteria cu por causa diarea. Ta bon pa laba bo man despues di bay baño.
Garganta malo tambe ta algo cu bo por haya door di no laba bo man of door di no lab’e debidamente.
Si bo cana den hospital, den e edificio bieu y nobo, tur caminda bo ta mira handsanitizer. Nan mes a plak diferente label pa e ta mas resaltante, vooral na e liftnan, cual ta un parti hopi sushi. Ora bo uza lift, haci bo man limpi. Bo drenta den un camber di pashent, tambe laba bo man y ora bo sali for di un camber di pashent, laba bo man.
Efectividad
E handsanitizer ta mesun efectivo cu uza habon. Ta promove tambe cerca e enfermeranan pa uza handsanitizer, en bes di awa cu habon, pasobra ta mas lihe. Sinembargo ambos ta mesun efectivo.
Bishitantenan ta masha contento cu e manera con hospital ta propagando higiena door di pone sticker, cu ta haci’e mas duidelijk. Tur luna ta duna les tambe dos pa tres biaha pa luna na un grupo di 15 empleado di hospital.
Mensahe di higiena
Maduro a splica cu ta importante vooral pa luganan di cuminda, pa pone un handsanitizer cu ta accesibel pa tur hende. Den varios establecimento por ripara cu nan bañonan no tin habon. Ta pone enfasis pisa riba esaki. Loke por bisa si pa tene cuenta cu handalcohol pa muchanan e por ta peligroso, pa nan no guli esaki. Hopi biaha ta haya nan di colonan bunita y atractivo. Tene cuenta pa no guli esaki.
