Durante e rekorido aki nos por a tuma nota di e diferente konstrukshonnan ku a tuma lugá último tempu i tambe e aksesibilidat na e diferente vianan/ hanchinan pa bai laman riba kua tin hopi diskushon último tempu.
Durante di nos rekorido nos a papia tambe ku algun propietario di e edifisionan i durante interkambio e lokual ku mas a bini dilanti ta e proseso i kaminda di krus ku un hende tin ku kana pa por haña diferente pèrmit. Esaki sigur ta un situashon ku hopi persona ku ke konstruí un kas òf negoshi aki na Kòrsou ta enkontra nan mes kuné. Tin hopi invershonista ku ke invertí nan sèn aki na Kòrsou pero e simpel echo ku e proseso pa haña pèrmit ta tarda asina tantu tin komo konsekuensia ku sea nan ta bai otro pais òf ta kambia di idea. Esaki sigur ta algu di lamentá mirando ku den e tempu difísil aki ta e tipo di proyektonan aki por krea kupo di trabou. Frakshon di MAN lo bai manda un karta pa Minister di di Tráfiko, Transporte i Planifikashon Urbano ku diferente pregunta pa atendé un ke otro relashona ku e situashon aki.
