Awe tardi un mama cu ta huur un cas na Washington a haya su mes den problema ora no por a cumpli cu obligacion di pago. E señora cu tin tres yiu menor di edad ta sin entrada, e ta traha na hotel. Doño di cas parce no tin mas pasenshi y a keda exigi placa di huur, asina e señora cu ta huur e cas a splica Polisnan. E hecho cu net awe ta Dia di Mama no a yuda e caso y e doño di cas kier a saca e famia awe ainda!
E señora a pidi doño di cas pa uza e deposito di e luna aki pa asina por cubri e huur di e luna cu a cay atras mientras ta wak un manera pa yega na un solucion. E doño di cas a keda insisti pa e placa di huur of sino e famia mester a bandona e cas mesora.
Segun bisiñanan, e doño di cas a pasa mas biaha e ultimo dianan aki pa cobra e huur di luna. Polis mester a intermedia den e situacion fastioso aki.
