Dialuna madruga a drenta informe di un caso di maltrato severo unda un hende a yega na Avenida Milio Croes tur na sanger y mal golpea.
Mesora a dirigi un patruya na e sitio.
Na yegada di e patruya a bin compronde cu aki ta trata di un caso di maltrato cu lo a sosode na un club nocturno banda di e highrise hotelnan. Segun e informe haya eybou, tres persona a bati nan victima, un homber, formalmente.
E victima tabata tur na sanger y hasta tabata haya biramento di cabes. Polis a solicita presencia di ambulance na e sitio. Na yegada di e ambulance nan a atende y a transporte pa hospital. Un di e 3 sospechosonan ta un tal H. cu a caba di sali for di K.I.A. recientemente!
