‘Made with Love’ ta e tema principal pa Pasco na Kooyman. E ta un clasico di Pasco den colo nan cora, oro, blanco. E clasico semper t’ey, semper e ta keda bibo pero e aña aki, Kooyman nan tema ta ‘Made with Love’.
Ora bo corda riba e cuki nan cu wela, mama ta traha den temporada di Pasco , e ora e tema clasico aki semper t’ey cu ta e basico di Pasco. Kooyman tin mas tema, manera Jaritsa Correa a splica, manera Bright Luxury, Winter Joy y Magical Garden. Esaki ta e cuater tema nan pa e temporada di Pasco, cu tin Kooyman tin pa ofrece.
Ademas di e cuater tema nan aki, e clientenan di Kooyman por spera tambe diferente decoracion pa kerstboom, cu tambe ta bende den artificial, den color blanco of berde. Tambe Kooyman tin regalo chikito cu por regala un persona, cusinchi di Pasco, mug y hopi mas.
Temporada di Pasco ta un temporada hopi gusta cerca grandi y chikito.
Decoracion di Pasco den color nan clasico cora, berde cu oro ta keda uno cu semper lo keda bin bek. Na Kooyman bo por aprecia decoracion di diferente manera, cual ta e tema Made with Love.
Pa loke ta e tema Bright Luxury, e ta un tema yamativo. E ta bin den colornan plata, oro, crème, un tiki bruin hinca den dje. Pero tambe un tiki di e color peach hinca aki aya den e decoracion nan.
Seccion di Winter Joy ta consisti di e colornan blauw, shinishi, blanco y brons hinca den e decoracion nan. Leu a leu a tira un tiki plata den dje.
Por ultimo, Kooyman tin su seccion di Magical Garden. Esaki ta un seccion cu ta consisti di color shinishi, cu decoracion di madre perla riba dje. Un seccion cu tin hopi angel den dje.
Color nan berde cu cora ta e color nan gusta pa un y tur, pero ultimo tempo nan tin mas fantasia y color ta bin acerca. E aña aki tin decoracion di unicornio, diferente color, bo ta haya spaarpot di un porco cu hala, cu ta combinacion cu unicornio. Tin e bola nan di glas, di color madre perla, cu lus den nan. diferente acesorio pa decoracion di bo mesa.
Si cualkier cliente di Kooyman ta desea pa un trahado di Kooyman duna un man den nan decoracion na cas, por pasa libremente y pidi pa e promo team di Kooyman pa asina yuda cu idea y tips pa decoracion pa Pasco.
Ya for di september caba Kooyman a cuminsa traha ariba su seccion di Pasco, un temporada hopi gusta pa grandi y chikito.
Pasa libremente na Kooyman pa pasa wak e gran surtido di decoracion cu Kooyman tin pa ofrece, pa temporada di Pasco.
