Ling and Sons IGA Supercenter ta informa cu e supermercado ta bai switch pa un systema di gas cu ta green, den sentido cu no ta hasi danjo na nos medio ambiente I ta gasta menos coriente.
E systema aki ta cubri casi tur e coolers di e supermercado. Motibo pa cual e supermercado lo tin algun departamento cu lo no opera di Dialuna 6 di November te cu 8 di November. Durante e dianan aki e areanan di fruta I berdura, coffee & juice corner, bakery, groceries, liquorshop, cosmetics I frozen lo ta habri normal.
Gerencia di Ling and Sons ta pidi su disculpa na tur cliente pa e inconveniencia aki. Esaki ta un stap cu sigur ta necesario pa asina reduce nos imprenta negativo riba nos medio ambiente.
Gerencia di supermercado ta invita otro companianan na Aruba tambe pa tuma e stap aki I asina hunto reduci e impacto negativo riba nos medio ambiente.
E weekend prome cu e trabou di remodelacion cuminsa cual ta 3, 4, 5 di november, Ling and Sons lo tin 10% di descuento ariba tur productonan fresco (fruta, berdura, pisca, carni, salada, yoghurt, lechi, beleg) pa asina tur cliente por disfruta I hasi nan compras adelanta den preparacion pa e 3 dianan na unda algun producto no lo ta disponibel. Tambe e supermercado lo tin thema Spanjo den tienda cu specials riba sangria, carni I lo tin pan cu sanger yena disponibel.
Diahuebs 9 di november Ling and Sons lo tin tur departamento I dus tur producto disponibel.
Pa mas informacion bishita www.lingandsons.com of www.facebook.com/lingandsons 
