Durante mi preparacion mas y mas pensionado ta acerca mi cu e pregunta di kico ta e vision di mi y PDP regardando e pensionadonan. Pa mi boso ta e hobennan adulto mayor cu a traha duro durante e ultimo decadanan. Pa mi como un hoben e ta e sentimentonan di gratitud y respet pa tur locual boso a logra, e logronan ey ami como un hoben di e futuro generacion por disfruta awe. E trato pa cu e prima di AZV no ta husto y e argumento cu e pensionadonan ta haci mas uzo di AZV forsandonan paga e prima completo mi ta haya uno inaceptabel.
MEP y gobierno su compromiso
Gobierno a priminti e pensionadonan di lo a reduci e edad di pensioen, pero no por a cumpli cu esaki. E realidad ta otro cu e promesa populista aki. Mientras ta tira santo den wowo di e pensionadonan cu un forum nacional e tema mas importante pa e grupo grandi aki ningun politico tin e curashi pa papia ariba dje. E prima di AZV. E ta importante pa menciona cu subida di pensioen no automaticamente ta mehora e poder di compra di e pensionado, netamente si e pensionado su pensioen keda aumenta e lo por hasta conduci cu e lo por cay pafo di e maximo di 30 000 AWG cu consecuencia cu locual surpasa e suma aki riba menciona e pensionado lo mester paga no 6.5% sino 10.5%.
Nos ta compromete nos mes pa trece un alivio real pa e pensionado, mirando cu esaki ta inhusto. Nos punto di salida ta e pakete di sobrevivencia unda nos ta kere cu cierto toeslagen lo mester keda introduci pa por remedia e situacion di costo di bida cu ta keda subi tur dia.
Nos proposicion
E realidad ta cu Aruba tin mester di cada sorto di impuesto pa por cumpli cu e tarea colectivo cu sector priva lo no facilmente inverti aden. Cu e acuerdonan cu Gabinete Wever-Croes II a firma cu Hulanda pa los af mas o menos 30 miyon na interes riba e covid liquiditeitssteun no ta haci e situacion financiero facil pa e siguiente gobierno.
Un di e tareanan aki ta cuido medico y nos sa cu e BAZV ta un ‘bestemmingsheffing’ cu full pueblo di Aruba ta paga pa entre otro nos sistema di cuido medico keda accesibel pa tur ciudadano.
Nos proposicion ta pa habri un dialogo y yega na un reparticion di e prima di AZV mas husto pa e grupo di pensionadonan.
1. Reduci e premie-inkomen/premie loongrens pa e grupo di pensionado na un suma di AWG 40 000. E werkgevers gedeelte ta keda elimina!
2. Introduci un prima standard, un basis premie pa e pensionado cu lo no surpasa mas di 5% di e entrada di e pensionado mensualmente, esaki ta significa pa e pensionado ‘alleenstande’ mas o menos 60fl pa luna cu lo traduci na 700fl pa aña. Gobierno lo genera ainda 30 miyon na entrada pa cubri gastonan medico.
3. Gradualmente introduci e 1,5% AZV riba e empleadonan pa cubri e gasto di perdida di gobierno. E prima social pa empleadonan lo keda aumenta, pero den e pakete di sobrevivencia lo nos introduci metodo di compensacion pa e famianan mas afecta.
4. Introduci un sugar tax dentro di 3 aña pa yuda cubri gastonan di salud y promove un cuido mas preventivo mediante cambiando e palabra di e meta den e Landsverordening Algemene ziekteverzekering, di ‘curatief pa preventief’. E sugar tax lo encera 2% cu un reparticion na un fondo pa agricultura, deporte y AZV.
Hopi lo haci e pregunta dicon mas impuesto?
Nos como organisacion ta consciente cu e manehonan cu implicacion grave di partidonan MEP y AVP ta conduci cu pais Aruba tin un GIGA-debe y esaki nos tin cu reduci prome cu nos papia riba inversion. Pa ami e introduccion di un ‘pakete di sobrevivencia’ ta locual nos ta kere ta bay brinda un alivio pa combati y reduci substancialmente e pobreza structural di nos Isla. E ta consisti no solamente di introduccion di diferente toeslag pa e ciudadano pero tambe papia riba con nos lo por reduci e gastonan basico di e ciudadano, manera awa coriente cuminda y gasolin.
