Diahuebs atardi alrededor di 6:35 pm a sosode un caso di robo patras di stacion grandi di Arubus na Playa. Un señora canando pa bay coy bus cu un sac’i compras den man a pasa den un susto. Un rato prome el a cumpra tres paki cornflakes, aros, habon y soseishi. Yegando e stacion di bus, desconoci a sorprende ora cu a ranca e saco for di su man y core bin direccion pariba, pues den Havenstraat.
Sin cu e sa, tabatin dos ciudadano atende cu a sigui su movecionnan y informa polis. El a yega te Doña Clara Building y subi autobus pa bay San Nicolas manera nada no a pasa.
Polis a yega mesora, a bah’e fo’i bus y bay over mesora n’e proceso di detencion. A transport’e pa warda di polis na Playa y a present’e dilanti un subfiscal kende lo dicidi riba sea su encarcelacion of libertad.
