E aña aki Laboratorio Medlab a uni conhuntamente cu Fundacion Contra Cancer di Prostaat en conexion cu DVG pa cu concientisacion di Test Bo Sanger. Sigui Disfruta di Bida. E campaña aki ta ensera cumpli cu un PSA Test contra cancer di prostaat pa asina por detecta cancer di prostaat na tempo. Cancer di prostaat no ta discrima y por toca porta di cualkier hende homber.
Importante pa menciona cu Cancer di Prostaat ta tratabel, basta cu e wordo diagnostica na tempo. Cu e resultado di e test di sanger por bai bo dokter di cas y asina por sigui haci mas estudio si esaki ta necesario. Prijs di e test ta solamente AWG. 30,- y un parti lo bai como donacion na Fundacion Contra Cancer di Prostaat.
Cuminsa cu e proceso pa evita sufrimento innesecario mirando cu 1 den 9 homber ta wordo diagnostica cu cancer di prostaat.
Preparacion pa e test ta lo siguiente: Abstinencia di 48 pa 72 ora (No tene relacion sexual durante e temporada aki pa un mihor resultado. Pa e test aki bo no mester ta na ayuna, mirando cu e test por wordo cumpli na cualkier momento di dia.
Por bishita cualkier di nos localidadnan di Dialuna pa Diabierna y tambe ariba Diasabra. Bishita un di nos localidadnan mas serca dibo:
- Noord Medical Center, Noord 63 Dialuna pa Diabierna: 7am-4pm, Diasabra 8am-12pm,
- Trupiaal, Caya Ernesto Petronia 88 Dialuna pa Diabierna: 7am-11am, Diasabra: 8am-10am,
- Shaba, Tanki Flip 78 Dialuna pa Diabierna: 6am-11am,
- Bubali 72F, Dr. Orlay Gonzalez Dialuna pa Diabierna: 8am-11am,
- Ponton 86, Dr. Aljaf Dialuna pa Diabierna: 8am-10am,
- Dr. Lacle/ Dr. Dennert (Cardioloog), Caya J.E.M Arends 14 Dialuna pa Diabierna: 7am-11am,
- Pos Chiquito 98-D, Dr. Winterdal Dialuna pa Diabierna: 8am-11am.
Edad recomenda pa cumpli cu e test ta 45 aña ariba. Mas cu claro e decision ta den bo man como un ser masculino pa cumpli cu e test y keda na altura di bo mesun salud. Laboratorio Medlab kier a felicita FCCP pa cu e bon trabou di ofrece suporte y guia na e ser masculino cu mester di sosten prome, durante, y despues cu a ser diagnostica cu cancer di prostaat. Pa mas informacion di e campaña y test por tuma contacto cu Laboratorio Medlab na Telefoon : 586- 1600, Customer Service WhatsApp: 597-5544, of via nos E-mail: [email protected], website www.lab.aw, Facebook Laboratorio Medlab Aruba.
Laboratorio Medlab ta conta cu Acreditacion ISO 15189 y Certificacion di ISO 9001. Nos test nan ta ser cubri pa AZV hunto cu un verwijsbrief di dokter di cas of specialista. Hunto nos por detecta cancer di prostaat na tempo!
