Cua Laboratorio a haci su mes culpabel na e practica aki, ainda no ta conoci. Pero mucho dificil e no ta tampoco pa haya sa. Esaki ta un bon trabou pa e departamento nobo di Inspeccion di Salud Publico, cu mester garantisa calidad y persigui dunadonan di servicio cu ta comete e delitonan aki. A pensa semper cu mester trata sushi medico, cu riesgo, na un forma diferente. Wel un laboratorio aki a coy un baki cu hangua uza riba pashent, incluyendo resto di tubo cu sanger cu label conteniendo nomber di pashent y nan fecha di nacemento, benta den un bari chikito dilanti porta di waf na altura di Coney Island.
Un asunto masha condenabel pasobra obviamente e laboratorio aki lo a paga cualkier adicto pa e bay “deshaci” di e sushi, siendo cu tipo di “desperdicio medico” asina tin otro protocol pa tene cuenta cune. Awo nomber di hende cu a coy sanger na e laboratorio ey ta slenter riba caya.
