Diasabra ultimo, dia 8 di december, 2018, Kiwanis Club of Palm Beach Aruba a tene su evento annual pa temporada di pasco, esta e Santa Claus Event, cu ta un celebracion di pasco pa un grupo di mucho di menos recurso.
E evento aki a keda coordina hunto cu representante di Departamento diAsuntunan Social y a conta cu presencia dia mas cu 55 mucha entre 4 y 12 anjadi edad. E evento a tuma lugar na Neptali Henriquez Park den horanan di atardiy tabata inclui entretenemento, bebida y cuminda pa e muchanan. Tambe Santa Clausa bisihita e evento y na final di e evento a entrega un bunita regalo na cadaun di e muchanan.
E organisacion di e evento tabata na encargodi un commission di miembronan di Kiwanis Club of Palm Beach Aruba, encabeza pasr. Marc Porter, conhunto cu e Director di Departamentodi Asuntunan Social, esta sra. Janine Rodriguez. E gasto di e evento a wordo cubri cu fondo nan cu eclub di servicio ta recauda durante anja como tambe pa medio di algun donacion.
Kiwanis Club of Palm Beach Aruba a keda sumamente satisfecho cu e evento como cu por a wak cu muchanan a pasa un tempo ameno y placentero, den e espirito di e dianan di fiesta. Kiwanis Club of Palm Beach Aruba kier a tuma e oportunidad aki pa gradici tur esnan cu den un forma of otro a sa di contribui na e evento, y en especial Domino’s Pizza, De Palm Tours y Tropical Bottling pa nan contribucion na a evento. Kiwanis Palm Beach ta pertenece na e organizacion global Kiwanis Internacional cu ta un instancia caritativa dedica na haci nos mundo mihor door di cambia un communidad pa medio di un mucha cada bez. Mas informacion por bishita: www.facebook.com/kiwanispalmbeach
