24ora su cobertura di Copa Mundial ta continua y e biaha aki ta na Kansas City Stadium. Esey ta e nomber durante e proximo cinco siman di World Cup 2026. Pero e nomber mes ta Arrowhead Stadium.
E stadion aki ta bay ta e sede di e wega interesante di Corsou contra Ecuador, cual ta tuma luga diasabra dia 20. E stadion aki tin un capacidad di aproximadamente 76 mil. Pero e stadion aki a conoce varios cambio, unda a adapt’e p’e weganan di futbol ya cu Arrowhead Stadium ta un stadion di Futbol Americano.
Ta trata di cas di Kansas City Chiefs cu ta hunga nan weganan di Futbol Americano. A adapta e stadion pa fit un veld di futbol. Un di e cambionan ta e cancha, cual mester tabata haci mas hancho pa por cumpli cu e reglanan di FIFA.
Un di e cambionan haci na Kansas City Stadium, cual ta mesun cos haci cu Houston Stadium, ta kitamento di yerba, aunke nan ta uza yerba natural. Asina mes e no tabata cumpli cu e specificacionnan di FIFA y a dicidi di pone un yerba natural nobo p’asina ey e weganan por tuma luga. Incluso nan a kita mas di 4500 ton di concret pa bin cu mas espacio.
A kita mas o menos cuater mil stoel pa traha luga por ehempel pa canal di television, otro cosnan di logistica cu FIFA ta exigi pa e stadion por tin. Pa loke ta trata e cantidad di hende, manera a menciona prome esaki ta menos cu normal. Sigur esaki ta bay conoce yen total.
Apart di e wega di Corsou, a tuma luga e wega interesante, cu tabata e prome di Copa Mundial, tabata esun di Argentina contra Algeria. E wega aki tabata yen. Otro wega cu lo tuma luga ta dia 25 di juni ta esun di Hulanda.
Hulanda a dicidi di pone Kansas City como nan base, unda nan ta train. Di eynan nan ta biaha pa e ciudad cu nan tin di hunga y despues ta regresa e base pa train. Corsou a tuma Boca Raton como nan home base.
Cobertura di Mundial 2026 ta presenta pa:
RDA
Taco Bell
Arugas
Old Parr
Frito Lay
Que Pasa Restaurant
Cafe the Plaza
Pringles
Balashi
Elmar
SVB
Fast
Setar
RIU
AIB Bank
Banco di Caribe
