Antraco Aruba Groups’ wholesale outlet, Kaboom Wholesale, a haci un donacion na cinco diferente entidad den luna di november 2022.
Riba 29 di november, Ehecutivo di Antraco Business Solutions, Ingris Molina, a haci donacion di cuater caha di buki di diferente genero na Biblioteca Nacional di Aruba.
Ingris tambe a haci un donacion di un variedad di buki n’e biblioteca di e Instituto Coreccional di Aruba (KIA) riba diabierna, 25 di november.
E siguiente entidad na buert tabata Mary JoanFoundation, caminda cu durante e bishita a trece bukinan informative tocante cancer pa trece conscientisacion y comprendemento den e comunidad.
Tarcicus Kleuterschool tambe a ricibi un bishita di Ingris riba 28 di november, treciendo co’i hunga pa tur e cinco klasnan.
Por ultimo, Ingris a haci un donacion di bala di softball na e ekipo di Quisqueya, cu tabata e ganadonan di e Torneo Copa Navideño L-40+ 2022, riba diadomingo, 4 di december.
Kaboom Wholesale ta gradicido di por duna bek n’e comunidad y ta spera di por tin e oportunidad un biaha mas pa haci un donacion.