Hopi aña pasa un politico a yega di bisa e famoso frase “join MEP and see the world.” Y decadanan despues e frase aki ta valido ainda pa MEP,e payasonan a cambia pero e circo a keda mescos.
E minister nan di Aruba ta practicamente releva otro na aeropuerto y sigui biaha y fiesta cu placa di Pueblo. Y nos como pueblo ta obliga di para wak e shownan aki ,ora e ministernan nan mes ta post ariba Facebook na cua parti mundo nan ta na cierto momento. Nan ta show y haci mofa di pueblo con nan por gasta bo placa,y bo ta obliga pa para wak. placa di belasting cu nos trahadonan tin di cumpli tur luna cu ne,y e pueblo mes tin di sigui lucha cu e bida caro danki na un gobierno cu ta keda uza nos placa pa biahamento.
E ministernan di e gobierno aki mi ta sigur cu lo a acumula suficiente “miles” ariba nan credit card ,cu ora nan baha mes como minister,nan lo por keda biaha pa basta tempo sin paga ningun cen. Mi ta spera cu pueblo realisa esaki ,pasobra si nan sigui asina,lo no tin un logra na mundo mas pa nan conoce y lo mi ta sigur cu nan lo ta e prome Arubianonan cu lo yega planeta MARS cu Elon Musk cu su Space X,pasobra mundo a bira chikito pa e gobierno aki.
Ta compronde cu dado momento cu un minister di un pais mester por biaha pa trabou,esey no mester ta un problema,pero ta biahando manera cu mundo ta bay caba,y ta biahando rond mundo sin logra nada concreto,ni un logro pa e pueblo di Aruba,biahenan innecesario,manera por ehempel un vitae di e Prome Minister pa Hulanda,na unda ta reuni cu un gabinete demisionario,cu no por tuma ningun decision nobo mas. E biahenan di su primo Minister Glenbert Croes cu ta bayendo rond mundo pa 7 aña largo y bisando despues di cada biahe cu nan lo baha awa y coriente. Casi tur luna tin biahenan pa Colombia, Ecuador, Spaña, Hulanda, Merca y ta bolbe bek haciendo e promesa(mentira) cu lo baha awa y coriente.
E unico decision cu e Minister di Energia Glenbert Croes lo mester a tuma pa baha y coriente ,e lo por a hacie na Aruba mes 6 aña pasa,ora a dicidi pa capricho y ego politico di NO a HEDGE e prijs di Heavy Fuel oil pa WEB hay’e na un prijs barata bayendo asina contra e decision di Mike de Meza ,e unico politico activo cu a studia y sa di e materia aki. Hedge tabata e decision cu mester a tuma y danki pa no a tuma e decision aki, cu awe mayoria di pueblo tin di lucha pa cumpli tur luna cu prijs impagabel di awa y coriente. Pero pueblo por ripara cu ta haci esaki pa malo y di mala fe pa hustifica biahamento rond di mundo pa Friends and family.
Mientras ta sigui fiesta cu placa di pueblo,ambtenaarnan ta sin indexering,ta keda debe nos pensionadonan,maestro di schoolnan no tin un salario husto,maestronan cu ta manera un mama of tata pa nos yiunan, no ta wordo trata cu respet pa e gobierno aki. Nos mayornan mester lucha pa paga un schoolgeld,cu a gaña di elimina. Segun CBS mes of mas hende ta muriendo cu tempo di COVID mes,ta kisas gran parti di pueblo no kier bay dokter mas? Pasobra no por paga remedi?,hopi stress den nos pueblo?,un investigacion lo mester wordo realisa ariba e topico aki,cu sigur ta uno delicado. AVP a demostra semper cu ora AVP ta den gobierno,Pueblo ta sinti y mira unda pueblo su placa ta bay,esey ta door di pone placa di pueblo cu ta placa di belasting bek den pueblo y no den saco di gobernantenan. Cu kisas tabatin foutnan chikito? Pero a traha dia y anochi pa e pais aki bou di liderazgo di Mike Eman. Pero e gobierno aki tin casi 7 aña sin traha y sin vision,pero si ta masacrando e pueblo cu medida.
Pueblo di Aruba,ta den bo man pa scoge,e ta un escogencia si bo kier biba un bida mas digno. E escogencia aki di kier biba miho ta keda den pueblo su man den e proximo eleccion y cu poder di Dios, Aruba lo logra esaki tambe pa por bolter cos bek.
