Diferente docente di scolnan cu ta cay bao di SKOA a ricibi nan certificado di participacion di educacion sexual. Segun directora di SKOA, Josette Daal, e proyecto aki a cuminsa 2013, hunto cu Wit Gele Kruis.
SKOA a tuma hunto cu Wit Gele Kruis pa bin no cu sexuele voorlichting, pero sexuele educatie, pa educa no solamente mucha, sino e docente, mayornan y comunidad. Educanan riba e parti di sexualidad. E minister su parti tabata masha bunit mes, pasobra nos mester educa nos hendenan riba esaki. Esaki ta un penultimo trayecto.
Ta pasa den tur scol di SKOA. Tur maestro a wordo bon prepara pa atende e parti di educacion aki. Loke por bisa cu den e scolnan cu nan a wordo implimenta y ta bezig cune, ta un parti bunita pasobra e mucha tin confiansa cu e por haci pregunta na cas, na scol y asina e wordo educa. SKOA, como instancia Catolico ta pone enfasis riba respet, e parti di norma y balor.
Educacion Sexual
Segun Daal, a cuminsa cun’e den 5de y 6de klas y naturalmente e tin su continuacion den voortgezet onderwijs. E no ta un vak. E ta e parti di educacion cu ta duna. Ta cuminsa cun’e den godsdienst, unda cu ta papia di respet y den biologie ta trece e parti di educacion di sexualidad.
No como vak
E ta e parti di vak cu ta cay bao di biologie. E ta un tema cu ta cay bao biologie y ta un tema cu ta cay bao di e vak godsdienst. Asina mester wak’e. E intension en berdad no ta cu bo ta haya e informacion. Bo ta wordo educa riba e parti di e topico aki y ta bay haya un les cu 10 pregunta y 10 contesta, esey e no ta asina. E ta si pa e muchanan compronde, manera pakico menstruacion, pakico haya cabey bao di brasa. E ta forma parti di dje, unda cu por profundisa naturalmente, Daal a splica por ultimo.
