E ex-senador y vice-presidente Joe Biden a huramenta como e di 46 presidente di Merca, memey di un serie di reclamo riba e legitimidad di su victoria di parti di e mandatario saliente, Donald Trump.
E huramento tabata na encargo di e presidente di Corte Supremo di Husticia di Merca, John G. Roberts, na e Capitolio di Washington DC. Di e manera aki, Biden, cu su 78 aña, ta e persona di mayor edad den ocupa e cargo mas halto di e nacion, reemplasando Trump, kende tabata tin 70 aña tempo cu el a bira presidente.
Tambe, e ex-senador democrata Kamala Harris, a hura como e prome vice-presidenta di e pais Norteamericano, convirtiendo den e prome persona di colo y prome di origen indjan den ocupa e cargo.
EFE/EPA/SAUL LOEB 
EFE/EPA/JIM LO SCALZO
E ceremonia a asisti importante figuranan Republicano, incluyendo vice-presidente Mike Pence, ante e asuencia di Trump despues di insisti repetidamente cu nan a horta su victoria den e eleccionnan presidencial. E mandatario saliente y su casa, Melania, a bandona e residencia oficial di e Presidencia di Merca parti mainta y a sali pa Palm Beach, na Florida.
Durante di e huramentacion, a haci acto di presencia varios ex-presidente di e nacion, entre nan George W. Bush, Bill Clinton y tambe Barack Obama, cu nan respectivo casa.
Tambe tabata tin varios artista cu a duna un presentacion na ocasion di e hecho historico aki, mirando cu den su mayoria tabata artista di origen Latino.
Tambe tabata tin huramentacion di e huesnan di Corte Suprema durante e huramentacion di presidente Biden. Pero lo mas remarcabel ta, e ausencia di e publico, cu no solamente pa motibo di e pandemia, pero despues di e insureccion cu a tuma luga siman pasa, a haci cu a pidi presencia di Guardia Nacional pa pone varios “checkpoint” na e luga, pa salvaguardia e siguridad di tanto e presidente como su comitiva.
EFE/EPA/Patrick Semansky 
EFE/EPA/SAUL LOEB
