Diasabra ultimo a tuma luga entrega di premio den CB Dakota na tur e ganadonan di e torneo di Jani Brokke Memorial organisa pa Fundacion Movemento ta Bida.
Un danki grandi ta bay e aña aki na tur cu a sponsor e evento aki hunto cu Fundacion Movemento ta Bida .
Tambe FMTB kier gradici tur e coordinadonan di e diferente deportenan y tur cu a coopera pa nos por a ofrece nos 60 plusnan un torneo exitoso . Un danki special na CB Dakota cu nan tremendo servicio y espacio pa nos por tabata tin un anochi sumamente exitsoso.
E resultadonan ta lo siguiente:
Den domino e aña aki den Pool A a sali campeon Frank Hernandez/Eric Tromp y subcampeon Gilbert Leyba / Lis Henriquez.
Pool B campeon Glenda Hoftijzer/Johannes Eduardo y subcampeon Greg Gilbert /Enrique Arcaya y por ultimo
Campeon supremo tabata GlendaHoftijzer/Johannes Eduardo.
Den domino nos ta mira cu atrobe un dama a titula campeon.
A organisa futbol di cana riba e cancha di RCA na Solito y e resultado ta lo siguiente:
1. Team Jenny
2. Team Eric
3. Team Leo
Volleybal: Hearth Attack a titula campeon e aña aki mientras All Stars a titula subcampeon.
Biyar e aña aki a bay tres siman largo y a tuma luga den Fermins Bar na Noord.
1. Gino Geerman . 2. Junior Quandt
Bowiling tabata dividi den damas y cabayero.
Damas: 1. Marcia Koolman. 2. Aurita Lampe 3. Gladys Werleman
Highest game damas: Gladys Werleman
Cabayero: 1. Ricardo Odor 2. Clyde Arends 3. Albertico de Palm
Highest game cabayero tabata tin un empate: Nelson Kelly y Dichi Angela
E aña aki canamento a tuma luga den area di Franse Pas y e grupo a cana 5 km den ambiente hopi dushi den nos mondi di Aruba
Den softball, 8 team a hunga y nos ta ripara cu mas hende 60 + kier ta riba veld hungando Softball. E aña ‘ki, e teamnan di softball a hunga un diadomingo y tur hende a pasa tremendo aunke cu solo tabata basta fuerte.
Tennis e aña aki a tuma luga riba e canchanan di Aruba Racquet Club durante un siman cu tur dia a hunga wega estilo 80 plus dobbel. Tabatin 2 nivel y e resultado ta:
Den intermediate: Campeon Dinand Esschendal/Hans Mayr .
Subcampeon: Cor Suppers/Harold de Miranda
Den advanced: Campeon Charles Latham/Ramphis Sofia
Subcampeon: Elbert Arends/Kenrick Wong
Diasabra anochi e banda Nos cu Nos a laga tur hende balia cu musica di halto nivel p’asina finalisa e Jani Brokke Memorial 2022 .
Por ultimo un danki na prensa cu semper a promove nos actividadnan.
