ITF Aruba Open 2017 ta tras di lomba y ya e pregunta ta wordo lansa: Kiko ta e fecha pa 2018? Por cuminsa pidi vakantie of book pa boso ta presente un biaha mas of si bo no a logra pa ta presente, segura bo mes cu e no pasa den 2018.
November 12 pa 18 Aruba un biaha mas lo ta e cas pa e torneo grandi aki di Beach Tennis. Ta di spera cu mas y mas e cantidad di participante y bishitante ta subi pa presencia e torneo aki. BTA Aruba kier a tuma e oportunidad aki di gradici tur nan sponsor nan: Aruba Tourism Authority (ATA), Amstel Bright, Gianni’s Group, ENNIA, Divi Resorts, Australian Gold, Aruba Bank, Integrated Security Services (ISS), Setar Aruba NV, De Palm Tours, Pico Bello, TeleAruba, Aquafina, Okeanos Spa, Amast, Tropicana Aruba Resort & Casino, Fresh 104.3, Bite, Sinner, Cool FM, C2, Magic FM y ATCO Aruba NV. Sin e sosten ricibi e evento aki no tabata posibel. Tambe na cada un persona cu a bin Eagle Beach pa presencia e wegana, sea pa prome biaha of pa apoya un famialiar of un amigo.
Bosonan ta hasi e evento aki grandi. Loke mas nos ta aprecia y elogia ta e bon comportacion di cada un presente. Sigur un aporte grandi na hasi e evento aki e number uno di mundo No ta keda nos nada otro di invita boso pa pone a fecha nan aki den boso calendar y tambe invita boso, pa esnan cu tin gana di practica e deporte aki, pa pasa na Tropicana Beach Tennis Club pa try it out. Bo nunca sa, cu abo por ta den e top nan di mundo un dia.
