Awe mainta ehecutivonan di Island Finance a presenta na St. Annaschool pa entrega regalo. E temporada aki di Pasco ta ideal pa e compania por duna bek na comunidad y den e caso aki, specificamente na enseñansa y deporte. Nan kier promove mas movecion y deporte bou di nos muchanan.
Ivy Simon, Country Manager di Island Finance tabatin e proyecto aki pendiente for di basta tempo caba “Sports with Love”. Island Finance ta haci un donacion di material na e prome scol. A acerca St. Annaschool pa nan mes scoge cua material nan tin mester pa deporte, pa asina e muchanan keda entusiasma, educa y pa haci uzo di dje durante aña.
St. Annaschool, na momento cu a acerca nan, cu mil amor a aprecia y a join Island Finance den e proyecto Sports with Love.
Diaranson mainta a haci entrega di tur e materialnan. Hunto cu Sport Caribe, den un tempo record a sa di haci e proyecto aki un realidad.
Den nomber di St. Annaschool, cabesante di e scol a gradici Island Finance pa e gesto. E muchanan a keda hopi contento cu e materialnan nobo. Tin material pa volley, tin pa tennis, pa trefbal y pa futbol.
