Diamars, International School of Aruba a tene su ceremonia di graduacion pa aña escolar 2021-2022, pa e GED program. Dennis Willeford, director di ISA ta amplia.
Esaki tabata e prome graduacion den dos aña, door di COVID-19. E aña aki nan tin un total di 42 graduado. Algun ta di aña pasa, pero mayoria ta di e aña aki. Tin studiante cu a hasta pasa examen e mainta aki, pa nan por forma parti di e ceremonia di graduacion di e aña aki. Ta un dia hopi bunita y ta un logro cu nunca niun hende no por kita for di nan, pa cual nan ta hopi orguyoso di esaki.
ISA ta ofrece tambe e GED program, cu ta e General Education Diploma, cu ta ekivalente na un diploma di scol secundario. E studiantenan ta haci examen den cuater vak, cualnan ta English (ingles), Math (Wiskunde), Science (Scheikunde) y History (Geschiedenis).
Si nan logra pasa tur cuater vak cu exito, nan ta obtene ekivalente na un High School Diploma, cual nan por drenta 97% di tur universidad (College) na Merca.
Pa un relato mas amplio, lesa TREMPAN.
