Dialuna 13 di september, pa 6:00 pm tur deboto cu a consagra y ricibi e scapulario di Sagrado Curason di Hesus y Inmaculada Curason di Maria ta keda invita pa bin resa e Santo Rosario na e Monumento na Santa Cruz. Laga pueblo uni pa resa pa nos Aruba cu ta pasando den temporada di otro pandemia cu ta efecta awo nos hobennan. Abo por ta e portador di e virus, sin cu bo sa. Den e forma aki hopi a contagia. Nos a perde hopi di nos grandinan. Tristo ta cu nos no haya contacto cu nan prome cu nan a bay pa eternidad. Cuanto deseo nan lo tabatin pa papia cu famia, nan a dedicacion na nan seri keri, hopi a pasa den agonia pisa. Ban resa awo pa sosiego di nan alma, pa nan haya misericordia den nan bida spiritual. Pa cada misterio cu nos resa nos ta corda y menciona nan. Bin pa resa pa e aña escolar nobo cu ta cuminsa siman pasa. Cambio drastico riba mundo henter. Na otro parti di mundo ainda Mama Maria ta haci aparicion, no solamente na mucha, pero tambe na hende grandi y ta pidi pa hiba e mensahe pa tur hende. Tambe e ta bisa cu su yiu Hesus ta sufri pa e picanan di esunnan cu no ta reconoce cu Hesus ta yiu di Dios. Resa e Santo Rosario tur dia, e ta meditacion riba Santa Scritura. No mester algo di perde tempo, alcontrario e ta enrikese bo bida spiritual.
Dios bendiciona nos pueblo.
Comision di Inmaculada Curason di Maria:
Manuel de Vargem 595 7331
Pastoor Jairo Maduro 585 8110
