Diamars mainta autoridad a wordo avisa di un homber cu no ta reacciona riba cama. E caso a sosode na Madiki Kavel. Polis na yegada a pidi pa presencia di ambulance.
Paramediconan a ripara cu e persona ta morto. Su curpa tabata stijf y ta mustra cu ta basta rato caba e ta morto. Ademas a mira poco sla na su cara dunando indicacion cu sea el a cay of el a wordo agredi. Presencia di Cuerpo Tecnico BFTO y tambe Recherche di Playa a wordo pidi. Nan a cuminsa cu nan investigacion y ta avisa fiscal. Despues cu dokter a constata morto, fiscal a duna ordo pa tuma e curpa den beslag.
Aki ta trata di Alex Tromp naci na Aruba 26-09-1964. Autoridad lo laga haci autopsia pa asina saca afor si el a fayece di e golpinan cu a haya na su curpa. Lo investiga tambe si e tin problema cu cualkier persona eyfo. Paz na su restonan y forsa na e famia.
