Ta conoci cu na Aruba, den caso c’un pashent tin un of otro keho riba un cuido medico cu e no a ricibi of e no a ricibi na su satisfaccion, por entrega un keho na IVA (Inspectie Volksgezondheid Aruba).
Riba esaki, Cheryl Rosa-Fingal, Inspector di Salud Publico na IVA a bisa cu nan ta mira un diferencia entre aña 2021/2022. Loke a resalta tabata cu tin menos keho ta drenta cerca nan. Den nan rapport ‘Klachtbeeld Meldpunt 2022’ por constata cu na 2021 tabata tin 104 keho, y na 2022 esaki a reduci pa 69. E metodonan pa haci keho ta via telefon, digital, personal of per post.
Na 2021, por mira cu un 19% di keho a keda haci personal, 42% via telefon, 37% digital y 2% via post. Na 2022, kehonan entrega personalmente a aumenta na 34%, via telefon 34%, digital 32% y 0% via di post.
“Nos lo desea cu esey ta e motibo cu pashentnan mas y mas ta haya nan caminda na e dunado di cuido mes. Pasobra ful e deseo di IVA – den e seis aña cu nos ta existi aworaki – ta ora tin un keho, cu e pashent ta sinti su mes bon pa bay na e dunado di cuido mes.”
Nan tur mester tin un maneho di keho, un formulario of un manera pa manda via email. IVA ta constata cu kehonan a baha un tiki, pero mester wak e cos aki den un trend mas grandi. Aworaki IVA ta publicando cifra di ultimo cinco aña, anto eyden por mira mas tanto cu hopi cos a cambia.
Pa mas lesa TREMPAN.
